Háskólinn á Hólum

Háskólinn á Hólum er mjög sérhæfður opinber háskóli sem býður upp á nám sem á rætur sínar að rekja til fyrrum landbúnaðarháskóla sem hafði það að markmiði að bjóða upp á menntun til stuðnings landsbyggðinni. Háskólinn hefur þróast sem miðstöð menntunar og rannsókna á þremur sérhæfðum og gjörólíkum sviðum:

• Fiskeldi, fiskalíffræði og vatnavistfræði.

• Hestafræði og reiðkennsla.

• Ferðamálafræði, viðburðir og gestrisnistjórnun.

Aðalháskólasvæðið er á Hólum í Hjaltadal, dal á miðbiki Norðurlands með 100-150 manna samfélagi. Hólar eru einn sögufrægasti staður Íslands með biskupssetri og fræðslustarfi allt aftur til ársins 1106. Sem staður eiga Hólar því djúpar rætur í menningu Íslands í fortíð og nútíð, endurspegla sjálfsmynd þjóðarinnar og njóta virðingar í samfélaginu. Þannig skapast einstakur menningarlegur og pólitískur grundvöllur fyrir Háskólann á Hólum.

Staðsetning Háskólans á Hólum skapar gott umhverfi til að hlúa að sérhæfingu námsins vegna tafarlauss aðgangs að náttúru og menningu sem eru meginauðlindir allra fræðigreinanna þriggja sem kenndar eru. Til að tryggja notagildi sérhæfingarinnar bjóða allar námsbrautir upp á verklega þjálfun sem hluta af námskránni, í nánu samstarfi við vaxandi atvinnugreinar sem háskóladeildirnar styðja. Þá býr Háskólinn á Hólum yfir vaxandi rannsóknaumhverfi sem endurspeglar bæði íslenskt og alþjóðlegt samstarf við háskóla, rannsóknastofnanir og atvinnulífið.