Aðalræðisskrifstofa Íslands í Nuuk

Aðalræðisskrifstofa Íslands í Nuuk var formlega opnuð þann 8. nóvember 2013, þegar Gunnar Bragi Sveinsson, utanríkisráðherra og Aleqa Hammond, þáverandi formaður landstjórnar Grænlands afhjúpuðu skjaldarmerki skrifstofunnar á byggingunni við Hans Egedesvej 9, Nuuk.

Ísland er eina erlenda ríkið sem hefur sendiskrifstofu í Grænlandi en í Nuuk eru einnig starfandi kjörræðismenn fyrir nokkur ríki.

Verkefni skrifstofunnar er að auka samskipti og vináttu á milli nágrannalandanna Grænlands og Íslands, að veita Íslendingum á Grænlandi borgaraþjónustu og að stuðla að aukinni verslun og viðskiptum á milli landanna. Ennfremur að kynna Ísland og íslenska menningu fyrir Grænlendingum.

Aðalræðisskrifstofunni er einnig ætlað að hafa samstarf við grænlensk stjórnvöld á þeim sviðum sem heyra undir sjálfstjórn Grænlands og vinna að sameiginlegum málefnum á sviði norðurslóðasamstarfs og vestnorrænnar samvinnu.

Icelandic Arctic Cooperation Network | Borgum | 600 Akureyri
☎ 460 8935 ✉ iacn@arcticiceland.is
www.arcticiceland.is | kt. 620113-0690

Hosted and Designed by the Arctic Portal

facebookyoutubelinkedintwitter1